Амиа хорлогчдын дуу

Бас болж л байна. Та амиа хорлох болвол сонсох дуутай л юм. Энэ дууны түүх их сонин.

Унгарын нэгэн хөгжмийн зохиолч байж л дээ. Тэрээр найз бүсгүйдээ тун их хайртай байж. Гэтэл тэд салаа замын эрхээр үү, салъя гэж салсан уу учир үл мэдэх шалтгаанаар салж л дээ. Тэр үед хөгжмийн зохиолч залуугын онгод ихээр хөглөгдөн нэгэн дууг зохиосон нь “Gloomy Sunday” хэмээх дуу бөлгөө. Тэрээр уг дуугаа 1933 онд зохиосон байна. Гэтэл маш сонин зүйл болж уг дуу олон нийтэд хүрэх мөчид зуу зуун Унгарчууд энэ дууг сонсоод амиа хорлож эхлэцгээсэн байна. Удалгүй АНУ-д уг дууг Billie Holiday гэгч дуучин бүсгүй дуулсанаар олны хүртээл болсон ба тэр үед бас л цөөнгүй хүнийг амиа хорлоход нь сэдэлжүүлж өгсөн байгаа юм.

Сонирхолтой бас нэгэн баримт байгаа нь уг хөгжмийн зохиолч залуу өөрөө зохиосон дуугаа сонсож байгаад цонхоор үсэрч амиа хорлосон ба түүний салсан найз бүсгүй нь мөн хор ууж хорвоогоос хальсан байна. Амьсгал хураах мөчдөө тэрээр хоёрхон үг хэлсэн нь “Gloomy Sunday” гэсэн үгс байжээ. Цаг хугацаа ч улиран өнгөрсөөр энэ дууг маш олон дуучид өөрсдийн хувилбараар дуулсан ба тэр дуучид дотор Bjork хүртэл байгаа. Гэхдээ Биоркын дуулсан хувилбар бол тун хүнд.

За тэгэхээр найзуудаа би юу хэлэх гээд байна вэ гэвэл найз залуу/бүсгүйгээсээ саллаа гээд энэ дууг сонсоод цонхоор үсэрцгээгээд байв даа. Тиймэрхүү хүнд үедээ бол огт сонсож болохгүй шүү. Сэтгэл санаа тайван амгалан байгаа нөхцөлд сонирхон сонсож болох юм.

Харин миний хувьд энэ дууг найз залуудаа гомдсон тэр үед олж сонссон боловч хамгийн инээдтэй нь намайг улам сэтгэлээр унагах биш харин ч тайвшруулсан юм. Би дараалаад 6н удаа сонссон ба ‘My heart is telling how much I wanted you…’ гэсэн мөр нь яг л миний хүсэж байгааг илтгэх мэт сайхан байсан шүү. Хэхэ, заримдаа би жирийн биш болдог талтай. Тийм болохоор тайвшрана гээд бас сонсоод байвал эвгүй л болов уу.