“Спорт & Араатан Төрх” болон блогчид дундын CS-ын тэмцээн

Спорт гэдэг хүнд биеийн тамирын зөв хүмүүжил өгөхөөс гадна хүний нэгэн гайхалтай шинжийг ил тодоор харуулдаг зүйл билээ. Тэр нь хүний өдөр тутмын багны цаана нуугдах араатан төрх юм. Хожих, хожигдох, алдах, онох бүрд тоглогчид өөрийн мэдэлгүй маш өвөрмөц үйлдлүүд гарган орилж чарлах, элдэв хөдөлгөөн хийх, нүүр амаа үрчийлгэх, хөмсөгөө зангидах, элдэв содон үгс хэлэх зэргээр жинхэн араатан төрхөө харуулдаг. Зарим тамирчид бүүр талбай дээр секс хийгч гэх нэр зүүсэн байдгыг бид Оросын алдарт талбайн теннисчин Мариа Шраповагын жишээнээс мэдэх билээ. Учир нь тэрээр дэндүү секси хоолойгоор чадал мэдэн орилдог өвөрмөц зуршилтай.

Өнгөрсөн баасан гарагт Halloween-ны баяртай давхцан блоггэрүүд дунд СS-ын тэмцээн зохиогдон нэг нэгнийгээ гранатаар шүршиж, дэлбэлж, хутгалсан сонирхолтой дүр зураглал болов. Хүн болгон тэмцээнийг сонирхож байсан ба би ганцаар тоглож чаддаггүй тул тоглогчдыг анхааран суув.

Сүм дүүрэн зочид цуглан хайртай хосууд хуримаа хийж байх үед сүмийн хаалгаар орж ирэх ер бусын үзэсгэлэнт сүйт бүсгүйг танхим доторх бүх хүмүүс хардаг бол би сүйт залуугын царайг харан, хэрхэн бүхний өмнө тулан, хайртай бүсгүйгээ хүлээж байгаа тэр харцыг хараад сууж байх бүтэцтэй хүн. Яг түүнтэй адилаар би багуудын тоглолтыг бус тоглогчдын сэтгэл хөдлөлийг харан сууж байлаа.

Манай Дэвдээхэй зохион байгуулж бүүр өөрөө тоглосон гээд л бодчих.

Эхний гараа Блогспот (багийн ахлагч Зараа, Эркардо, Энхүүш, ХарХун, IT-Chonos), Банжиг (багийн ахлагч Гамп, Номад, 300, Витаминжуулалт, Амгаа, Батаа) 2 багийн хооронд болж өнгөрөв. Блогспотынхон бол үнэхээр намбалаг улсууд гэдэг нь гарцаагүй үнэн юм. Эсвэл эсрэгээрээ багаа маш сайн хадгалж үлддэг хүмүүс, бүүр эсрэгээрээ огт баггүй буюу араатан шинжгүй жинхэн хүмүүс байх. Маш намбалаг гэгч нь тоглолтыг дуусгасан. Харин Банжигжавын залуус бол тэс эсрэгээр. Батаа блоггэр тэнд хоолойн чадал мэдэн орилж хаана, хэн, хэдүүлээ байгаагаа маш гэнэнээр эсрэг багийн тоглогчиддоо хэлчихдэг өвөрмөц зуршилтай юм билээ. “А-ын дээгүүр, хоёулаа. ” “В дээр байна шүү”, “Та 2 хонгилоороо яваачээ” гэх мэт. Тэгсэн тэнд нэг залуу хөмхийгөө зуугаад суугаад байлаа. Хэн юм бол гээд Гамп ахаас асуусан Банжиг Мистер залуу болох Номад юм гэнэ. Банжигийн охидын зүрхийг булаасан залуу юм байх. Банжигийн охид, бүсгүйчүүд гүзээтэй залуусд дуртай гэдэг нь түүнийг хараад тодорхой болов :P. (ер нь Банжигийн залуус бүгд гүзээтэй юм билээ. Багаараа 5лаа сүртэй гэгч нь танхимд орж ирэхэд бүгд гүзээгээрээ ижилссэн нь тун содон харагдаж байсан юм) Тэр залуу тоглолтыг арай удаан үргэлжлүүлсэн бол доод уруулгүй үлдэх байсан болов уу. Ноён Битмин бол хөмсгөө зангидагч бөгөөд араатан шинж бараг гаргаагүй гэж хэлж болно. Харин Банжиг дундах хамгийн араатан төрхгүй тоглогч нь Амгаа байж таарлаа. 300-г харин анзаараагүй тул би хэлж мэдэхгүй байна. Учир нь хэт доош лаглайн сууж, дэлгэцний цаана нуугдаж байсан юм. БлогМН-ний лийдэр тоглогч, жинхэн лигионэр контерчин гэсэн. Гого-н залуусд 16:5 (20:1 ч билүү) гэсэн харьцаагаар хож***сон шүү ккк... Банжигжавын тоглогчдын ижилсдэг нэгэн араатан шинж нь бүгд нэгэн зэрэг, чанга дуугаар, амаа том ангайлган инээлдэх үзэгдэл байв. Харин Гамп ах тоглоогүй тул араатан төрхөө өөртөө хадгалаад үлдсэн дээ. (яс юман дээрээ тэр хүнээс юу эс гарахыг Балхаа ах ч таахгүй, Quiza-н хувьд ч таавар мэт үлдсэн дээ :P)

Харин Гого-ын залуус (багийн ахлагч Tsuki Yama, Эрка, Anime, Gtulga, Үлэмж). Тэд янзан бүрийн л араатан төрхтэй залуус байсан. Хамгийн араатан төрхтэй нь манай Үлэмж ах болж таарсан даа харин ч нэг. Гараа нэг алдалж үзнэ, чанга инээж үзнэ, өөрийгөө магтаж нэг үзнэ, заавар зөвлөгөө өгч нэг үзнэ. Их юм гарна шүү тэр хүнээс ккк... Бас болоогүй роккер гэж байгаа. Харин багийн ахлагч үүрэг хариуцлага, багийн тоглолтын тактикыг боловсруулагчийн хувьд багаа хуулах завгүй байсан. Gtulga гэгч тоглогч тэнд ёстой л Бороо ахын хэлдэгээр Жи овогтын царай гаргаад сууж байсан даа. (вүхаха, за сорри шүү хөгшөөн) Харин Anime, Эрка 2 араатан шинж гаргалгүй нам тайван тоглож байсныг хэлюү.

CS-ийн тэмцээн хүний араатан шинжийг маш багаар илэрхийлдэг тоглоом юм гэдгийг мэдэж авлаа. Хэрэв та дурын спорт заал руу яваад теннис тоглож байгаа тоглогчдыг харвал маш сонин содон, хачин жигтэй араатан төрхүүдийг харах болов уу. Би бүүр инээдээ барьж үнэхээр тэсдэггүй гэдгээ нуух юун. Харин огт араатан шинж гаргадаггүй спорт бол шатар, даам билээ. Хүн амьтнаас оюун ухаанаараа л ялгагдана гэж энэ болов уу.