Санахын жаргал зовлон

Хайрт минь, чамайгаа би чинь ямар ихээр санана вэ? Үгүй ээ, ямар ихээр санасан гээч. Чамайгаа өдөр, оройд зав гарав уу үгүй юу боддог байлаа. Үнэхээр би чамд дурлажээ, уусан шингэжээ. Санахын зовлон хэцүүеэ ч, уулзахын жаргал нь ханашгүй юм. Одоо би цаг заваа сайтар зохицуулж сураад хайрт блог чамайгаа ганцааранг нь, ямар ч шинэчлэлтгүйгээр үлдээхгүй ээ.

Би нээрээ нөгөө унаж тусаад байсан Play Time 2007-оо үзсэн. Хадаасанд хатгуулж, үсээр шавхуурдуулж, мөрөө мултартал мөргүүлснийг эс тооцвол үнэн тансаг. Бас үгүй юм аа, тэр бүгд нийлээд үнэн тансаг. Миний бодлоор рокерууд хүссэн хувцас, персинг, үсний засалт, нүүр будалттайгаар дуртай цагтаа хэн нэгний гайхсан, жийрхсэн нүдний харцгүйгээр чөлөөтэй явж чаддаггүй л болов уу. Цөөн хүссэнээрээ, чөлөөтэй байх үе нь тэр Рокеруудын Наадам гэдэг нь тодорхой.

Хэхэ, гэхдээ инээдтэй нь надад тэдний байгаа байдал, өөрсдийгөө илэрхийлсэн image нь их таалагдсан боловч хамт явсан хүн маань тэднийг сүнс, сүг сүүдэр гэж тодорхойлсон нь юм. Уул нь тэр нөхөр маань хаа далий урсгалын хөгжим биш рок, алтернатив урсгалын хөгжмийг хайрладаг этгээд юм байгаам. За тэр яахав, би тоглолт үзээд жаахан халж эхлэх үедээ “Хэрэвзээ би эрэгтэй хүн байсан бол...” гэж бодов. Ингэж бодсон шалтгаан нь намайг атаархуулсанд л байгаа юм. Яаж хэн гээч нь атаархуулсан бэ хэмээвээс: “хэнээс ч үл хамааралтайгаар биеэ авч явсан нь, хэн хэнийгээ авч шидсэн нь, шидүүлсэн нь, мөргөсөн нь, мөргөлдсөн нь, үсэрч цовхочсон нь...” Тэдгээр залуусыг харах бүрийд л ямар гээчийн их кайф авч байгаа болдоо л гэж бодож байлаа шүү дээ. За тэгээд залуус минь, “Энэ Pearle Deppsu чинь бас гаж донтой этгээд байх нь” гэж бодовдоо. Тэгээд л би “Тийм бишээ, буруугаар ойлгож” гэнгүүт л эмзэг мэмзэгээр нь дуудаад л унадаг шүү. Би зүгээр л рок хөгжмийг хайрладаг нэгэн.

Нээрээ тэр эрэгтэй байсан ч болоосой гэсэн бодол нэг тиймэрхүү анархист, эсвэл нахалны байдал гаргахыг хүсэх үед (хүн л юм хойно, бас хааяадаа тийм үетэй тулгарах явдал гарах юм), нэг дурак үнэхээр уур хүргэх үед очоод үсэртэл нь цохих юмсан гэж бодох үед л орж ирдэг. Тэрнээс биш “Хэрвээ би эрэгтэй байсан бол өдийд програмынхаа кодыг бичээд дуусгачихсан байгаа” гэх үед орж ирдэггүй. Хэзээ ч тэгж бодож байгаагүй юм чинь аргагүй шд. Би нээрээ үнэндээ ийм тэнэг үг хэзээ ч сонсож байгаагүй. Гэтэл ангийнхаа нэг охины амнаас сонсдог юм байна. Би шууд хэлсэн “Би амьдралдаа ийм тэнэг зүйл сонсож байгаагүй юм байнаа” гэж. Бас арай ингэж шантарч болохгүй ээ айн. Бас арай л үгүй юм. Бүүр чадахгүй гэж бодож байгаа бол эртхэн тэр нябо, эдийн засагч мэтийн цулактаад байгаа мэргэжлээ сонгоод явах хэрэгтэй.

Гэснээс төгслөө төгслөө, би төгслөө. Хичээл ном гэж их, их ч гэж дээ үүнээс олон кредитийн хичээл үзэж байхдаа гүрийгээд л улам их хичээдэг байлаа. Тэгсэн хичээл багасах тусам санаа амардаг үл бүтэх этгээд байх юм. Гэхдээ гайгүй ээ, суруулиа амжилттай сайн төгсөөд ....

Шинэ жил боллоо. Миний хамгийн их хүсэн хүлээдэг баяр. Аль 3нд л ёолкоо зассан. Гэхдээ бүх тоглоомуудаа дүүдээ өгснөө санаад зүгээр л шалдан мод босгоод тавьчихсан хэхэ. Заримдаа элдэв чимэггүй зүйл тансаг харагдах юм байна шүү дээ. Гэснээс манай сургуулийн шинэ жил их дажгүй болох байх гэж их л найдаад байгаа. 20нд гэх сураг дуулдана лээ. Тэр үеийн сонин хачнаа бас дуулганаа