Хөөрхөн ч юм даа

Нээрээ нэрний олон хувилбарууд дээр нэмээд нэг нэр байгааг мартчихсан байна лээ.
Dersula – Конфигын хайрласан нэр

За гол сэдэвтээ:
Би чинь авга эгч шүү дээ. 2 бичкэн үр бий. Том нь 2 настай охин, бага нь 5 сартай хүү. Анх охин төрөөд л ээж эмээ болоод л, ах аав болоод л, би бичкэн дүүтэй болоод л. Гүй ээ, тийм сайхан үрийг эрхлүүлэхгүй өөр яах билээ.
Тэгсэн яасан? Нөгөө сайхан эрх танхи охинд дүү гараад ирвээ. Тэгэхээр яахуу? Тодорхой, гоочлогдоод л ирнэ дээ хөө. Аав тоохоо болиноо. (гүй ээ, юу гэж тоохоо болихов, жаахан бага анхаараад ирнэ) Тэгэнгүүт л бөөн хямралд ороод л нөгөө дүүгээ бол үзэхгүй шүү дээ.
Тэгсэн саяхан ийм хөгжилтэй зүйл болж. Эгч бие засах хооронд бага дүү уйлж л дээ. Тэгсэн том охин нь (нөгөө хайрыг анхдан татагч этгээд) ээжийгээ байхгүйд эзгүйчлээд
• дүү дээрээ гарч суугаад - яаанааа, 5 хан сартай шдээ. Гэхдээ эр хүн гэсэндээ бас шийртэй
• гарыг нь хазаад - ингээд чи ээж, аав, эмээ, эгчийн анхаарлыг тат, одоо миний ээлж
• хацрыг нь шахаж, чимхээд – аниа чамайг хөөрхөн булцгар хацартай гэдэг байхаа, би ч цагтаа тийм хацартай л яав лаа. Одоо л жаахан шуугдцан болохоос биш. Хацар гэвэл надаа байна за юу
гээд сууж байсан гэж байгаан. Эгч ээжид хэлээд, ээж надаа хэлээд бөөн инээдэм болов. Ээжийн инээж байгааг. “Яагаад дүүгээ дээрэлхэж байгаан?” гэнгүүт л “Болжмол болжмол өөехөн дөө” гэж шүлэг уншаад, “Тоглий” гээд байгаа хүүхдийг одоо яалтай ч билээ дээ.
Муу охин дүү минь жаахан жижигхэн биетэй, одоо бараг дүүтэйгээ чацуу болох гээд байна уу гэмээр. Дүү бол эр хүн гэсэндээ бас биерхүү болох шинжтэй. “За яахав, та одоохондоо ингэж л бай. Ирэх жил би хөлд ороод ирэхээр та нэг надаа дээрэлхүүлэх вий” гэсэн дотуур бодолтой. Хэхэ, нээрээ ч ирэх жил муу эгчийгээ дээрэлхэх байхдаа. Нэг нэгийгээ нууцаар цохиж, хазаж, чимхэж, өшиглөөд л.

Ер нь дэрсхэн өсөж байгаа хүүхдүүдийн хувьд бага насаа их л адал явдал, инээд наргиантай л өнгөөдөг байх. Бичкэн золигнуудын цагаахан хор шар, эцэг эх, ах эгч, эмээ өвөөгөө өмчлөх гэсэн хөөрхөн гэнэн боловч хамгийн их хүсч байгаа жинхэн сэтгэлийнх нь бодлууд гээд л...
Хэрэв эмээ, ээж, аав бага дүүг өвөр дээрээ суулгасан бол том охин нөгөө өвөр дээр нь гүйж очоод л сууна. Хэрэв эмээ, ээж, аав бага дүүг тэвэрч аваад үнссэн бол том охин тоглоомоо хаяаад л гүйгээд ирнэ. Анх дүү минь дүүтэйгээ барьцаад тэсэлгүй уйлчихдаг байж билээ. Одоо харин овоо гайгүй болсон байна лээ. Нээрээ тэгсэн нөгөө бичкэн залуу эгчээсээ айдаг болсон байна лээ шд. Эгч нь гарыг нь атгангуут л хазах гэж байна гээл шууд ярвайлт өгөөд л, гараа татаад л. Тэгэнгүүт эгч улам татаад л, заавал хазаж байж сална гэсэн шиг эвгүй эвгүй харц шидээд л. Хэхэ, хөөрхөн юм аа. Би дүү нартаа хичнээн их хайртай гээч. Ажил дээрээ, сургууль дээрээ, гэртээ унтахаасаа өмнө тувт саначиж байгаа юм чинь. Тэгээд эмээ нь бас яринаа, “Ачийгаа санаад байна, хацрыг нь хазаад авмаар байна” гээд л. Би ер нь хүүхэдтэй болвол их эрхлүүлээд эрхийн тэнэг болгож мэдэх байх шүү хэхэ.