Тамхи татдаггүй тамхичин

Би нээрээ арай л азгүй юм аа. Тамхийг уул нь үнэхээр үзэн яддаг. Гэтэл яав?
Аав маань тамхи татдаг хүн байлаа. Гэхдээ надаа үнэхээр их хайртай байсан тул миний дэргэд татдаггүй байсын. Гарч татна, байхгүй байхад татна. Гүй ээ хааяаа л нэг миний хажууд татдаг байв. Аавын энэ зуршил 2 ахад минь нөлөөлж тэд бас тамхинд орлоо. 2 ах бол намайг харин ч нэг тоохгүй шүү дээ. Хажууд лайтай их татаж байгаам чинь. Хэлхээр тоохгүй, бараг л чи дут ухааны юм ярина. Бага нь ингэж хэлдэг л дээ, харин том нь бол гарч татнаа эсвэл цонхоор бөхийж байгаад татчина. 2 ах тусдаа гарч би гэдэг хүн сайхан цэвэр агаараар гэртээ тайван гэгч нь амьсгалах боломжтой болсон доо. Заримдаа тэр 2 ирхээр бас ч хэцүү шүү. За тэр ч яахав, 2 ах манайд өдрийн од шиг зочилдог тул тамхины утааг гэртээ үнэрлэх ховор болсон сайхан хэрэг.
Тэгсэн яав?
Найз залуу гэж нэг хүн байнаа. Надтай анх уулзаж эхэлж байхад тамхи татдаггүй боловсон гэгч нь сайхан залуу байлаа. Гүй ээ, азны юм гэж байтал нөгөө алдарт баклаврын хонхны баяр болку юу. Тэгсэн тэр шуурганаар эргээд тамхинд орцон гэжугаа. Яаж ч үглээд гарку байгаа хүнийг би одоо яалтай ч билээ. Тэгж байгаад гарнаа гэсэн, би итгээд л хүлээж сууна. За энэ асуудал ойрын хугацаанд шийдэгдэх байх.
Гэтэл яав?
Ажил дээр тамхи татдаггүй хүн гэж алга. Хамаа намаагүй офисс дээрээ татхын энэ хүнд гарууд. Гүй ээ энэ менежрийн найз бүсгүй хүртэл нэрмээс болж байгаам чинь. Лайтай, эмэгтэй хүн тамхи татна гэдэг чинь юу гэсэн үг вэ? Шал илүүц л байхгүй юу. 4 хүний тамхины утаанд үхэх нь ээ би. Энэ асуудал тийм ч амар шийдэгдэхгүй болов уу.
Саяхан нэг залуу миний хажууд тамхи татаж байгаад “Татхуу ?” гэлээ. Би “Тамхийг үзэн яддаг хөөн” гэв. Тэгсэн нөгөө залуу хажууд нэг хоёр сорж байснаа “Хэцүү байна уу” гэлээ. Би ч “Дасцымөө” л гэв. Гүй ээ үнэн л юм чинь тэгсэн харин тэр нөхөр “Дасгацымуу тээ” гэв. Нээрээ л энэ хүнд гарууд намайг тамхины утаанд дасгаж өгч дээ. Миний уушиг гэж ямар юм байдаг бол чааваас хөөрхий.